Кыргыз-өзбек чек арасында ок атуу болуп, үч кыргызстандык каза болду
6797
Кечээ, 5-майда Жалал-Абад облусунун Дөбө-Коргон аймагындагы кыргыз-өзбек мамлекеттик чек ара тилкесинде Өзбекстандын чек арачылары Кыргызстандын үч жаранына курал колдонушкан. Бул тууралуу Улуттук коопсуздук боюнча мамлекеттик комитеттин басма сөз кызматы билдирди.
Кыргызстандын 1974-жылы туулган А.К., 1998-жылы туулган А.Ж. жана 2000-жылы туулган А.Ж. жарадары Ала-Бука районунун ооруканасына жеткирилип, эсине келбей, октон алган жараатынан каза болушкан.
Кыргызстандын чек ара өкүлү дароо Өзбекстандын чек ара өкүлү менен жолугушуу өткөрдү. Тараптар кызматтык иликтөө жүргүзүп, бүгүн, 6-майда жолугушууну макулдашты.
Окуя боюнча тиешелүү органдарга да маалымат берилип, тергөө амалдары башталды.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://whaton.kaktus.media/6582
